Anong Pake Nila?

I'm loving poems right now. Whooo! Malapit na bakasyon! Pero bago bakasyon, exams muna. Aba matinds.

Anong Pake Nila?
By: Rodalyn Gasid

Sabi ng iba, bawal,
Ano bang masama sa pagmamahal?
Bawal lang naman 'yun pag may nasasaktan,
At kapag ipinagpipilitan nalang.

Sabi nila, sasaktan mo lang daw ako,
Na mang-iiwan ka lang rin daw sa dulo.
Pero ano bang pake ng iba?
Sila ba ang masasaktan 'pag ako'y iniwan mo na?

Sabi nila, ang pag-ibig, magulo 'yan
Alam ko, dahil akin nang nararanasan.
Pero ang isang magulong bagay kapag gusto naman,
Gagawan ng paraan para maintindihan.

Pilit nila tayong pinaglalayo,
Masasakit na salita, sa ati'y ibinabato.
Pilit nila tayong ipinapareha sa iba,
Ngunit matibay tayo't lagi lang silang pumapalya.

Oo nga, mahirap 'tong mundong pinasukan natin
Pero hanggang kasama kita, lahat kakayanin.
Sorry nalang sila, mahal kita ng sobra
Para iwanan nalang ng basta-basta.

Sinasabi nilang kapakanan ko'y iniisip lang nila,
Bakit? Ayaw man lang ba nila 'kong sumaya kahit pansamantala?
Wala naman akong nakikitang mali,
Tunay naman tayong masaya at laging may ngiti sa labi.

Siguro nga, ako'y inaalala lang nila
Naiintindihan ko naman sila.
Kaso, dito ako masaya,
Sana, ako'y pagbigyan nyo na.

Pareho pa ba talaga tayong masaya?
Parang napapansin ko kasing napapagod ka na.
Siguro'y pagod ka nang makatanggap ng masasakit na salita,
Marahil ay pagod ka nang maikumpara lagi sa iba.

Naiintindihan ko ang nararamdaman mo,
Dahil minsan ko na ring naisip na sumuko.
Pero narito pa rin ako't nakatayo,
Lumalaban para sa'tin, para sa'yo.

Pero ano pa bang silbi ng paglaban,
Kung ang mahal mo'y matagal ka nang sinukuan?
Siguro nga'y oras na upang ika'y pakawalan,
Dahil baka lalo lang tayong magkasakitan.

Salamat sa lahat-lahat,
Sa pagpapasaya at pagiging tapat.
Siguro nga'y hanggang dito na lang tayo,
Hanggang dito nalang ang pag-ibig na ipinaglaban nating pareho.

Masakit mang isipin
Na wala ka na sa'king piling,
Siguro'y may ibang nararapat para sa'kin,
Sana'y hindi na nya 'ko iwan, yan ang aking hiling.

Pero kung kailangan mo ng kausap at kaibigan,
Narito lang ako para ika'y tulungan.
Ayaw ko namang putulin ang lahat-lahat sa atin,
Komunikasyon sana'y hindi mo rin putulin.

Masaya 'ko na nakilala kita,
Masaya 'ko na minahal kita.
Masaya 'ko dahil kahit sandali,
Pinasaya mo 'ko at pinangiti.

Sinisisi naman ako ng iba,
Dapat daw sa kanila ako'y naniwala.
Bakit? Sila ba ang nasaktan nang ako'y iniwan mo na?
Hindi naman diba? Kaya inuulit ko, ano bang pake nila?

Rodalyn A. Gasid