Di Tayo Talo

Masabaw 'to, as in. Super. And maikli lang sya since may exams. And ehem, no offense meant.

Di Tayo Talo
By: Rodalyn Gasid

Sa tuwing lumalapit ka,
Sinasabi mong ako'y 'yong sinisinta.
Yuck, p're, nakakadiri ka.
Di tayo talo, pasensya na.

Nakakainsultong pakinggan,
Pero iyon ang katotohanan.
Makakahanap ka rin ng iba dyan,
'Yung handang tanggapin kung sino ka man.

Ide-describe kita,
Teka, wag kang iiyak ha?
Baka kasi tumalsik 'yang uhog mo,
Sayang naman 'tong porma ko.

Ulo mo'y saksakan ng kinis,
Kay kintab-kintab, kay linis-linis.
Tipid ka dahil hindi na kailangang pumunta sa barbero,
Hindi ka rin binabalakubak at kinukuto.

Ngipin mo'y kay linis-linis,
Hininga mo'y nakakamatay.
Kutis mo'y pagkakinis-kinis,
Para namang liha ang 'yong mga kamay.

Nasubukan mo na bang tumingin sa salamin?
Wag nalang dahil baka mabasag lang rin,
Dahil baka pati 'yung salamin,
Repleksyon mo'y ayaw tanggapin.

Nagdaratingan ang mga bagyo kapag ika'y kumanta na,
Dahil sa boses mong parang naipit at parang palaka,
Lahat ng mga kapitbahay ay nagtatakbuhan,
Nagkukumahog pati mga tambay na napadaan.

Para kang kiti-kiti kung sumayaw,
Nakakabagabag ang 'yong mga galaw
Para kang mababalian ng buto,
Sa bawat pilantik mo.

Kamukha mo si Enrique Gil?
Para sa'kin, para kang nangudngod sa hill.
Sabi mo peg mo si Richard?
Sa tingin ko, mukha kang nasalanta ng blizzard.

Kamukha mo rin Aaron Villaflor?
Para ka lang natapakang floor.
Kamukha mo si Coco Martin?
Oo naman, kapag nabubugbog sya sa mga scenes.

Gwapo ka,
Sa paningin ng mga bulag.
Matalino ka,
Para sa mga bangag.

Magaling kang kumanta,
Sa pandinig ng mga bingi.
Nakakatanggap ng mga papuring kay ganda,
Galing sa mga pipi.

Hindi kita pinupwersang maniwala dito
Sa lahat ng mga sinasabi ko.
Mag-survey ka nalang siguro sa kanto,
Nang malaman mong totoo lahat ng ito.

Wag kang mag-alala
Mahal kita bilang kaibigan,
Ayoko naman paasahin ka,
Na iyon ay darating sa malalim na pag-iibigan.

Kaya sana, matuto kang makuntento
Dahil hanggang dyan lang ang kaya kong ibigay sa'yo.
Wag ka nang aasa dahil inuulit ko,
Pare, pasensya na, 'di tayo talo.


Rodalyn A. Gasid